Од:

Австрискиот канцелар бара прекин на преговорите со Турција

Австрискиот канцелар Кристијан Керн најави дека европските лидери ќе почнат разговор за прекинување на преговорите со Турција за пристап во Европската Унија.

Унијата е загрижена поради ударот на осомничените дисиденти по неуспешниот воен пуч во Турција и најавите на претседателот Реџеп Таип Ердоган за воведување на смртна казна, што за Брисел е неприфатливо.

Канцеларот Керн во интервју за австриската радиотелевизија рече дека демократските стандарди во Турција не се доволни за да го оправдаат нејзиниот влез во Унијата, а подеднакво важно е и економското прашање, бидејќи турската економија е под европскиот просек.

На прашањето дали Австрија на состанокот на Европскиот парламент следниот месец, ќе предложи прекин на преговорите со Турција, Керн рече дека за тоа ќе започне разговор и ќе се бара алтернативен концепт.



Comments are closed.