Од:

ЕП во Полска (У21): Шведска и Англија без голови во премиерата

Фото: u21poland.com

Бранителот на титулата Шведска ремизира со Англија во премиерата на Европското првенство за фудбалери до 21 година во Полска. Мечот во Кјелце заврши без голови. Швеѓаните во 81 минута не успеаја да реализираат пенал. Непрецизен од белата точка беше Валквист. Во моментот се игра вториот меч од групата А меѓу домашната селекција и Словачка.

Македонија утревечер (20.45 ч.) ќе дебитира на континенталниот собир. Избраниците на Благоја Милевски во Гдиња ќе играат против Шпанија во рамки на групата Б. Претходно од 18 часот ќе играат и репрезентациите на Србија и Португалија.