Од:

НАТО ја зајакнува источната граница поради рускиот експанционизам

НАТО го зајакнува својот источен дел уверен дека е соочен со растечкиот руски експанционизам.

Министрите за одбрана на 28те земји членки на НАТО вчера во Брисел одлучија да испратат мултинационални батаљони во Полска и во трите балтички земји – Латвија, Литванија и Естонија.

Министрите исто така треба да разговараат околу зајакнување на военото присуство на НАТО во регионот на Црното Море во Романија, Бугарија и Турција.

Првичната одлука беше донесена на самитот на НАТО во Варшава во јули годинава. Источно-европските земји членки на НАТО на тој самит искажаат загриженост поради “експанционизмот” на Москва.

Русија исто така го зајакнува своето воено присуство на западот на руската територија.

НАТО планира исто така да го зајакне своето военото присуство во регионот на Црното Море – во Романија, Бугарија и Турција.

Така вчера во НАТО беше одлучено идната година да бидат испратени четири батаљони кои ќе бидат предводени од САД, Канада, Германија и Велика Британија.

Односите помеѓу Русија и НАТО се заострија по руската анексија на Крим во март 2014 година и можната поддршка што Москва им ја дава на про-руските сепратисти во Украина. НАТО-Русија односите се повеќе наликуваат на односите за време на студената војна.

Анексијата на Крим од страна на Москва ги разбуди духовите на студената војна. ЕУ воведе трговски санкции против Русија во 2014 година и тие се се уште на сила. Најголемиот страв се разбуди во балтичките земји – Естонија, Литванија и Летонија и во Полска. Тие стравуваат дека може да им се случи истото што му се случи на Крим, односно анексија на нивни територии на Русија или руски воен напад.

Русија есенва инсталираше ракети Искандер, способни да носат нуклеарни глави со дострел од 700 км, во Калининград, руска територија која се наоѓа помеѓу две земји членки на ЕУ и НАТО – Полска и Литванија. Според Вилниус, целта на Кремлин е да добие отстапки од западните земји за Сирија и Украина. Овој чекор, вели Вилниус, е нарушување на клучната повелба за нуклеарно оружје.

Русија вели дека станува збор за воена вежба која ќе продолжи во повеќе делови на Русија а Калининград не е исклучок, изјави руското министерство за одбрана.

Ова лето, во јуни, и НАТО не се воздржа од воени вежби на границата со Русија. Маневрите “Анаконда” на кои учествуваа 31.000 војници од 24 земји членки на НАТО се одвиваа во рамките на сценарио според кое НАТО се бори против замислен агресор наречен «Унија на Црвените» и кој има за цел да ги освои балтичките земји и Полска.

Новата одлука на НАТО за испраќање четири батаљони е само уште еден чекор во растечката тензија помеѓу САД и Русија.