Од:

Поповски: Веруваме дека може да се врати дијалогот во институциите

Веруваме дека може да се врати дијалогот во институциите, а најдобар гарант за тоа да се случи се граѓаните на Македонија. Тие не сакаат дестабилизација, туку само почитување на нивната волја и јасна визија за мир и развој во регионот, рече министер за надворешни работи Никола Попоски на седница на Постојаниот совет на Организацијата за безбедност и соработка на Европа што се одржа денес во Виена. Министерот Попоски одговараше и на прашања од земјите членки на ОБСЕ поврзани со изгледите за надминување на политичката криза, надворешното влијание, ризиците за нестабилност во Регионот и изгледите за интеграција во ЕУ.

„Веруваме дека може да се врати дијалогот во институциите. Најдобар гарант за тоа да се случи се граѓаните на Македонија. Тие не сакаат дестабилизација, туку само почитување на нивната волја и јасна визија за мир и развој во регионот. Успеавме да направиме поголем број реформи како предуслов и спроведовме фер избори. Малкумина веруваа дека ќе надминеме се по патот. На крајот, потребна ни есамо уште јасна иднина во ЕУ“, изјави Попоски.