Од:

Тенисерките, се чини, со нов тренд: Минела заигра трудна на Вимблдон

Фото: Twitter

Серена Вилијамс, се чини, повлече нога со настапот на Австралија опен во бремена состојба, а по нејзините стапки тргна и Манди Минела. Луксембуршката тенисерка загуби во првото коло на Вимблдон од Франческа Скијавоне со 1:6, 1:6 и по мечот призна дека е трудна веќе 4,5 месеци што, сепак, не ѝ пречеше во носење на одлуката да заигра во комплексот на All Englang Club во Лондон.

Фото: Twitter

Минела во ноември ќе го прослави 32 роденден што значи дека нејзината кариера полека ќе паѓа во втор план во годините што следуваат и обврските што надоаѓаат. Но, сè уште не ѝ паѓа на памет да прогласи пауза бидејќи на Вимблдон ќе учествува и во двојки заедно со Летонката Анастасија Севастова.

Серена Вилијамс, пак, е влезена во последното тримесечје на бременоста. Периодот за нејзино породување е кон крајот на август, но Американката не е излезена од тренажен процес и се подготвува за кам-бек на тениските терени во 2018 година. Според најавите, таа ќе се обиде уште во јануари во Мелбурн да ја одбрани титулата.