Од:

Во ОУ„Елпида Караманди“, дождот паѓа врз главите на учениците

Основното училиште „Елпида Караманди“ во Битола се распаѓа пред очите на учениците, тврдат за НОВА од Советот на родители. Дека нема нормални услови за одвивање на наставата се гледа од состојбата во која се наоѓа фискултурната сала  каде паркетот е откорнат, а од покривот кога врне, водата тече врз главите на учениците. Во салата нема ниту струја, така што децата од втората смена не можат да држат часови. Дождот паѓа врз главите на учениците и кога јадат во трпезаријата, тврдат родителите.

skolo-parket-n

Загрижените родители кои се јавија во редакцијата на НОВА тврдат дека  децата не можат да вежбаат од прашината во фискултурната сала,  а поради нехигиена пајаци лазат по нивните тела додека лежат на подот, додека ги прават вежбите. Поради ова често се појавуваат алергии кај некои ученици.

shkolo-vlaga-_n

Од фотографиите кои ни ги испратија може да се види дека во катастрофална состојба се и тоалетите. Тие велат  дека  таму нема ниту сапун за миење раце, а тие веќе подолго време безуспешно бараат да се исчистат и реновираат, да се санираат санитарните јазли.

vts-n

„После секој час по физичко образование многу од децата излегуваат со осипи и алергии заради прашината, пајаците и други инсекти кои ги полазуваат кога децата лежат на откорнатиот паркет. Водата и сапунот се непознат поим за ова училиште веќе неколку години. Децата не можат да одат во тоалет по потреба бидејќи нема вода, нема сапун, а нема ниту врати. Хигиената во училиштето е на мизерно ниво “, велат за НОВА од Советот на родители.

skolo-sala-_n

Родителите тврдат дека веќе разговарале и планираат да не ги пуштаат децата на училиште, а некои размислуваат да ги отпишат своите деца од таму. Тие велат дека  управата на училиштето не превзема ништо со години, а на нив им одговориле дека треба  сами да се изборат за да се реши проблемот.

shkolo-cheshma_n

Во ова училиште настава посетуваат учат околу 670 ученици. Родителите се револтирани  бидејќи, како што велат,  додека врз главите на децата паѓа малтер, директорката два пати с и ја реновирала канцеларијата.

„За тоа  има пари. За други неопходни работи нема. Ние моравме да платиме за  поправки на компјутерите бидејќи училиштето немало пари за тоа, а половина од компјутерите не функционираат. Исто така, до нашите деца е испратено соопштение да си соберат пари за топки и други потребни материјали бидејќи како што вели директорката, училиштето нема 1000 денари за да купи 2-3 топки“, велат родители кои инсистираат да останат анонимни за да не се рефлектира тоа на нивните деца.

shkolo-pajak_n

Тие прашуваат како  директорката има време да оди на Комитски вечери и на партиски собири, а нема време да се погрижи за училиштето.

direktorka_n

Селфи: Директорката, лево на собирот на ВМРО ДПМНЕ во салата „Борис Трајковски“

НОВА побара одговор од директорката на училиштето, Емилија Николовска Спировски, дали барала да се санира состојбата и да се реновира училиштето. Таа одговори дека во најскоро време ќе се направела реконструкција на покривот.

„ОУ„Елпида Караманди“ има поднесено повеќе  барања до општината  и МОН за реконструкција на покривот на спортската сала во училиштето, за реконструкција на тоалетите, и до МОН за реконструкција на покривот и доградба на училиштето и толаетите. Од Општината се одобрени средства за реконструкција на покривот на спортската сала,  постапката е завршена, склучен е договор за изведба и во најскоро време ќе се почне со реконструкција“, вели во писмениот одговор директорката Емилија Николовска Спировски.

Директорката нагласува дека од Општина Битола во изминатиот период било изведено партерно уредување во училишниот двор со бехатон плочки, пред почетокот на учебната година, биле варосани се сите училници и ходниците, променети се одводните цевки во тоалетите и дел од санитаријата. Наставата се одвива во нормални услови, редовно и без проблеми, вели директорката на ова училиште.

monmonmon-316x237

Од Министертсвото  за образование пак, тврдат дека за основното училиште „Елипида Краманди“во Битола се одобрени 14, 7 милиони денари или околу 240 000 евра. Со тие средства требало да се реновираат санитарните јазли и да се сменат прозорците, но сега заради распуштањето на Собранието се е стопирано.

tocka-78165

Инаку, за ова училиште беше најавено реновирање и реконструкција уште во 2012 година во време на министерот Панче Кралев,  преку проектот на Владата„ Изградба и опремување на 145 училишни спортски сали“. Досега не е направено ништо, училиштето стои така, оставено на забот на времето.

 



Comments are closed.