„Одбрана на демократијата – Боиште на вистината“ – меѓународна конференција за демократија и хибридни закани што ќе се одржи од 8. до 10. октомври во Скопје на која домаќин и соорганизатор е ЦИВИЛ – Центар за слобода.
Покрај ЦИВИЛ, организатори се и Вестминистерски сојуз за Украина, Глобална иницијатива за одбрана на демократијата, Нов европски форум на народите и Медија дијалог.
Конференцијата ќе ги истражи дезинформациите, пропагандата и хибридното војување како директни закани за демократските општества, поткопување на слободата на медиумите, слабеење на одбраната и безбедноста и загрозување на изборниот интегритет.
Преку комбинација од сесии за градење сценарија, панели на високо ниво и работилници, учесниците ќе работат кон заеднички изјави, препораки за политики и стратегии за зајакнување на демократската отпорност и спротивставување на авторитарниот експанзионизам.
Во текот на три дена, меѓународни и домашни партнери, вклучувајќи новинари, лидери на граѓанското општество, креатори на политики, дипломати и академци од цела Европа, Западен Балкан, Украина и Соединетите Американски Држави, ќе разменуваат искуства и стратегии за заштита на институциите, заштита на изборните процеси и солидарност со Украина и демократските напори ширум светот.
Оваа конференција е дел од проектот „Демократски навигатор“, финансиран од Сојузното министерство за надворешни работи на Сојузна Република Германија.
Триденвната конференција ќе започне на 8-ми октомври со сесија за градење сценарија и прес конференции, по што ќе следи и воведниот панел: „Борбата на Украина – Иднината на Европа, нашата заедничка реалност“, што ќе се пренесува во живо на англиски јазик.
На 9-ти октомври, програмата предвидува состанок за стратешко планирање два панела на теми „Демократско назадување – импликации и последици и Изборен интегритет и демократска отпорност“. Попладнето ќе биде посветено на работилници, вмрежување и брифинзи со пренос во живо на двата панела.
За 10-ти октомври се закажани тематски работилници за „Демократијата, Украина, изборниот интегритет и дезинформациите“.
Конференцијата ќе заврши со презентација на Конечни соопштенија за печатот вклучувајќи и заеднички изјави, првични наоди од проектот „Демократски навигатор“ и најава за следните чекори.