Движењето за Реформи ДПА реагира дека владејачките партии во Собранието ги игнорираат барањата на специјалната обвинителка Катица Јанева за измени во Законот за заштита на сведоци.
СЈО уште пред неколку месеци до Собранието достави Иницијатива за измени и дополнување на Законот за заштита на сведоци, но засега од законодавниот дом нема никакви знаци дека таа ќе помрдне од мртва точка. Обвинителството бара уредување на нивната надлежност во постапката за заштита на сведоци заради елиминирање на можноста за поставување на бројни пречки во работата.
Од Движењето за реформи во ДПА велат дека двете владејачки партии, особено на ДУИ, која декларативнокажува дека ја поддржуваат работата на специјалното обвинителство, додека праксата покажува дека двете партии постојано ја обструираат и и создавват пречки на Специјаленото Јавно обвинителство.
-Ние напоменуваме дека целата ова саботажа е поврзана со изборниот процес, и двете партии ВМРО-ДУИ се свесни за импликациите и нивната одговорност во случаиве “Монстра”, “Сопот”, и “Мартин Нешковски” а и многу други, поради страв дека вистината ќе ги натовари со политичка и кривична одговорност и строго ќе бидат казнети во изборите на 11 декември.
Апелираме до вас парламентарните политички партии да што е можно побрзо, со брза постапка да го изгласате законот за заштита на сведоците и да го отворите патот за Специјалното Јавно Обвинителство, да што е можно поскоро да се решат горенаведените случаеви. Ги повикуваме албанските политички партии ДУИ и ДПА да се соединат за откривање на вистината ида се залагаат за правдата на Албанците, а не да го покриваат криминалот, корупцијата и да јазлоупотребат службената положба, се вели во партиското соопштение.
Од Специјалното јавно обвинителство пред неколку месеци се пожалија дека се соочуваат со проблеми за да одговорат на барањата на заштитените сведоци кои се пријавуваат да сведочат во предметите кои ги превзема оваа институција, која треба да ги расчисти сомневањата за кривични дела кои произлегоа од објавата на нелегално прислушуваните разговори.
Во интервју за јавниот сервис неделава, обвинителката Јанева посочи дека не може да спие мирно, кога знае дека постои закана за сведоците.