ВД претседателката на Кривичен поднесе оставка
Судијката Татјана Михајлова, која ја извршуваше функцијата вршител на должност претседател на Основниот суд Скопје 1, денеска попладне поднела оставка, дознава „Утрински весник“.Ова следи откако повеќемина судии поднесоа жалби до Врховниот суд во врска со годишниот распоред кој го изготви токму Михајлова, со кои тие без консултација беа прераспоредени на нови работни места. На седуммина од осумте судии, Врховниот суд им ги прифати жалбите и ги врати на нивните стари работни места.
Институционална што може да стане меѓуетничка криза
Македонија ја демне опасност кризата на нефункционалните институции да биде претворена во меѓуетничка па дури и конфликт, вели за НОВА, поранешниот министер за надворешни работи и аналитичар Денко Малески. За универзитетскиот професор Беким Кадриу, значајно е потенцирањето на високата претставничка на ЕУ за надворешна политика и безбедност, Могерини на тоа дека кризата во земјава е се уште институционална.
Рокот за локални пропуштен, што сега?
Рокот за распишување на локалните избори е пропуштен, а засега нема одговор што понатаму. Универизтетската професортка АНа Павлова Данева вели дека советот и неговите одлуки не може никој да го замени, а пренесувањето на одлуките од страна на градоначалниците ќе зависи од случај до случај, „ад хок“ и тоа не е добро. Од Заедниците на локалната самоуправа велат дека само чекаат институциите на системот да најдат решение за проблемот.