Претседателот на СДСМ Венко Филипче смета дека изминатиот период актуелната власт направила се за да ги заштити своите функционери за да не бидат опфатени во случајот со пожарот во дискотеката „Пулс“ во Кочани, каде што починаа 62 лица, а околу 200 беа повредени.
На новинарското прашање за новите сознанија кои вчера беа објавени од страна на ИРЛ, меѓу кои и за даночните инспектори кои имале комуникација и добивале подароци од сопствениците на „Пулс“, Филипче одговори и дека да не биле нивните прес-конференции голем дел од осомничените немало да се опфатат во обвинителниот предлог.
Ние изминатиот период видовме дека оваа власт направи се за да заштити свои функционери во истрагата за Кочани и еве сега гледаме дека практично тие биле многу чести гости и привилигирани гости на таа дискотека „Пулс“, да не беа нашите прес-конференции, во којшто обелодинуваме многу работи, факти огромен дел и од тие што беа опфатени немаше да бидат опфатени со истрагата. Жалам што можам да констатирам дека вчера преку тоа, мислам дека го видовме најгрдото лице на оваа власт, изјави Филипче.