Предлог-законот за енергетика ги нуди сите неопходни инструменти за граѓаните да не се плашат од целосната либерализација на пазарот на електрична енергија но и можност за интервенција на државата доколку нешто не оди како што треба, оцени директорот на секретаријатот на Европската енегретска заедница Јанез Копач на денешната јавна расправа во Собранието за предложениот закон.
Со ова, рече Копач, се се врши усогласување со европските директиви и регулативи и се поставува законска основа за спојување на пазарите на електрична енергија, за што веќе се во тек разговори на премиерско ниво помеѓу Македонија и Бугарија.
Крпач забележа дека кај Регулаторната комисија за енергетика (РКЕ) законот носи нови надлежности, но не и една надлежност, како што рече тој, која како Секретаријат била дадена, а со која РКЕ ќе може да покрене прекршочна постапка и да изрекува парични казни.
Во однос на укажувањето на Копач за поголема надлежност на РКЕ, Славе Јовановски, еден од консултантите ангажиран во подготовката на законот, рече дека за тоа се потребни многу поголеми технички и кадровски ресурси за да може регулаторот тоа да го прави.
Марјан Огненовски од Здружението на граѓани „Но пасаран“, предложи новите членови на Регулаторната комисија за енергетика пред изборот во тоа тело да не биле во органи на управување и надзор во енергетски компании, да се намали мандатот од пет на три години и наместо пет бруто плати да им се исплаќаат по три. Тој побара исклулчените од системот да немаат никава обврска да плаќаат какви било надомести.
Вицепремиерот за економски прашања Кочо Анѓушев рече дека ги поддржува заложбите за независност на РКЕ, за што е потребна и финансиска сигурност, но, како што потенцира, важен е и интегритетот на секој член и почитувањето на правилата. За спречување на злоупотребите кои биле констатирани во минатото, меѓу останатото се предлага шема на ротација на коемисарите во РКЕ.