Одборот за доделување на Наградата „13 Ноември“ на Град Скопје денеска ги сооппшти добитниците на 13. ноемвриската награда на Град Скопје, што се доделува во областа во повеќе области.
Од областа на науката добитници се Михаил Гаревски, универзитетски професор, кому наградата му се доделува за за значајни остварувања во областа на науката, образованието и градежното конструктерство, и Аслан Хамили, професор на Филолошкиот факултет „Блаже Коневски“- Скопје, за значајни континуирани остварувања во науката и образованието.
Од областа на образованието и воспитанието добитници на наградата се Томислав Димишковски, а од областа на културата, добитник е Александар Кујунџиски, писател за деца и млади, за значајни долгогодишни остварување во областа на културата и уметноста.
Наградата за остварувања во областа на уметноста ја добија Мушереф Лозана Прекиќ, актерка во пензија и Летка Полизова Димовска, хорски диригент, за 40-годишна професорска работа како диригент на женскиот камерен хор „Св.Злата Мегленска“.
Од областа на публицистиката и архитектурата награден е Вангел Божиновски, архитетект, за долгогодишни истражувања, популаризирање и развој на град Скопје и за архитектонско креирање на повеќе значајни објекти, додека од областа на хуманитарната активност, студентката Алмина Алиловиќ, за покажана хуманост и спасување човечки живот.
Наградата 13 Ноември за ученици и студенти им е доделена на Ева Караманска, ученичка во ООУ „Рајко Жинзифов“, за континуирани успешни постигнувања во наставните и воннатавните активности и на Марко Наумовски, ученик во СУГС„д-р Панче Караѓозов“, за континуирани успешни постигнувања во наставните и воннаставните активности.
Добитниците се прогласени по тајно гласање од Комисијата именувана од Одборот, во чиј состав се претседателот Бранко Цветкоски и членовите: д-р Стојан Киселиновски, д-р Марко Китевски, д-р Михаил Груневски, Никола Фиданоски, Авни Халими, Петар Гичаровски, Санде Стојчевски, д-р Изаим Муртезани, д-р Скендер Асани и проф. д-р Људмил Спасов.