Трошоците на живот во април годинава бележат раст од 0,3 отсто во однос на претходниот месец, а во однос на април лани 1,4 проценти, објави Државниот завод за статистика.
Според објавените податоци трошоците на живот во април во однос на претходниот месец бележат раст од 0,3 проценти, а во однос на април 2017 година три отсто.
Пораст на индексите на трошоците на животот во април 2018 година, во споредба со претходниот месец, е забележан кај свежиот и разладениот зеленчук, освен компирот и другите коренести плодови, замрзнатото овошје, месото и преработките од месо, млекото, сувото овошје и јаткастите производи, цигарите, сушениот зеленчук како и на конзервираниот и преработен зеленчук
Во април 2018 година пораст на индексите на трошоците на животот е забележан и кај течните горива за домаќинствата, болничките услуги, течните горива и мазива како дел од опремата за сопствени сообраќајни средства, велосипедите, дисковите, касетите, дискетите, цедеата, филмовите, фотографската и кинематографската опрема и оптичките инструменти, услугите за рекреација и спорт, поправките на електричните апарати, малите електрични апарати, мебелот за домаќинствата, средствата за чистење и одржување на станот, авионскиот превоз на патници, обувките, материјалите за одржување и поправки на станот, алатитe и опремата за куќа и градина, медицински производи, телефон и телефакс-апаратите и телефон и телефакс-услугите, опремата за спорт, кампирање и рекреација во природа.
Намалување на индексите на трошоците на животот во април 2018 година, во споредба со претходниот месец, е забележано кај шеќерот, џемот, медот и кондиторските производи, брашното и другите жита, рибата и морските плодови, оризот, другите пекарски производи, житата и јајцата.
Намалување на индексите на трошоците на животот е забележано и кај туристичките пакет-аранжмани, градините, растенијата и цвеќињата, книгите, автомобилите, стаклените садови, кујнскиот прибор и другата опрема, информатичката опрема и услугите за лична хигиена.