Со транспаренти„ Дозволивте епидемија на СИДА во 21 век“, Ако умрам фрлете ме пред кабинетот на Тодоров“, „Ќе не носите сите на душа“ ,„ Тодоров празните ветувања убиваат“ преку протестен перформанс , Граѓанските организации сплотени во заедничка Платформа, го искажаа своето незадоволство пред Министесртвото за здравство од вчерашното усвојување на буџетот во кој парите за ХИВ и туберкулоза се скратени на 27 милиони денари, наместо предвидените 65 милиони денари.

„Од следната година со овој срамен буџет лицата со ХИВ ќе останат без терапија, за превенција нема да остане ништо. Смрт од сида во 21 век! Ако не продолжат Програмите ќе има пораст на нови инфекции, млади луѓе ќе умираат од СИДА. Какви се тие луѓе во Собранието кои вчера го усвоија овој  буџет и ќе дозволат луѓе да умираат“ , рече Андреј Сених извршен директор на здружението  „Заедно посилни“.

Облечени во црно тие низ перформансот ја најавија смртта, легнати на земја при што извикуваа„Убијци, убијци,убијци„“

Ова ќе биде директна одговорност на министерот Тодоров, бидејќи не ги исполни обврските што ги имаше преземено дека Министерството од следната година ќе го преземе финансирањето на програмите за превенција на ХИВ. Со тоа нанесува огромна штета на нашите национални напори да го ставиме вирусот под контрола, велат од здружението.

Граѓанските организации предупредуваат дека со овој буџет луѓето што живеат со ХИВ се ставени во ризик да им прекине терапијата кон крајот на следната година, а  средствата за превенција се целосно скратени.

Оваа неодговорна одлука ќе има опасни последици врз здравјето на нацијата, а  Министерството за здравство добро знае дека епидемијата на ХИВ во Македонија ќе се зголеми ако не се продолжат програмите за превенција.

Анализите на Министерство за здравство и Светската банка покажаа дека  Македонија може да спречи најмалку 860 лица да се заразат до 2030 година доколку продолжат на соодветен начин програмите за превенција. Тоа е 4 пати повеќе од бројот на луѓе што во моментот се лекуваат од ХИВ на Клиниката за инфективни болести. Уште пострашно, Министерството за здравство со кратењето на средствата дозволува најмалку 290 луѓе во Македонија да умрат од СИДА до 2030 година, поради ширењето на инфекцијата и поради доцна дијагноза.

hiv-protesten-performans-mz

Во 21. век, кога знаеме како се превенира ХИВ, и кога оваа инфекција може да се лекува, Тодоров дозволува наши граѓани и млади луѓе да умираат од СИДА! Светот на големо зборува за ставање крај на ХИВ-епидемијата до 2030 година. Во Африка епидемијата е веќе ставена под контрола и опаѓа бројот на нови инфекции, а ние во Македонија ќе имаме пораст на новите инфекции и луѓе ќе ни умираат од СИДА.

hiv-protesten-performans-mz03

ХИВ е вирус кој може да се превенира и ако навреме се открие, за него има терапија. Терапијата за ХИВ спречува болест, но спречува и вирусот да се пренесе. Граѓаните на Македонија имаат право на ефикасни и докажани програми за превенција и за рано откривање на ХИВ, како и право на квалитетно лекување. Ако се открие навреме и се лекува денес луѓето можат да продолжат да си го живеат животот нормално и здраво, па и да создадат семејство и да имаат здрави деца. Тоа нема да биде можно со скратениот буџет од страна на Тодоров, а аминуван од пратениците, порачуваат од здружението „Заедно посилни“.

По завршувањето на протесниот перформанс, граѓанските активисти ги закачија транспарентите пред Собранието на Македонија.

hiv-protesten-perfomans-sobranie