Радмила Шекеринска денеска во Брисел беше избрана за заменик генерален секретар на НАТО. Марк Руте, геенралниот секеретар, изјави дека е среќен што ќе работи со неа и дека таа е вистински верник на НАТО.
Марија Тодоровска
Радмила Шекеринска дипломирала на електротехничкиот факултет во Скопје во 1995 година, како асистент на факултетот работела пет години, од 1997 до 2002 година. Магистрирала во 2007 година во „Флечер“ САД на престижната школа за дипломатија и право.
Нејзините политички функции започнуваат во 1993 година кога таа е избрана за член на ЦО на СДСМ. Во 1995 година станува дел од претседателството на ЦО, а четири години подоцна таа самата е потпретседател и меѓународен секретар на партијата.
Радмила Шекеринска била претседател на Социјалдемократската младина на Македонија, потпарол на СДСМ и во 2006 година на 5 ноември избрана е и за претседател на партијата. Нејзин претходник бил Владо Бучковски, а по 2008 година функцијата претседател на СДСМ од неа ја презема Зоран Заев.
Шекеринска била и дел од Советот на Град Скопје од 1996 до 1998 година, таа била и пратеник во Собранието и во тој период ги има функциите: заменик-координатор на Пратеничката група на СДСМ, член на комисијата за надворешна политика, член на комисијата за образование и наука, член на комисијата за животна средина, млади и спорт, член на делегацијата во Интерпарламентарната унија (УПИ) и член на пратеничката група за соработка со Европскиот парламент.
Во 2002 година повторно е избрана за пратеник во Собранието на Република
Македонија, таа беше пратеник во четири мандати, а од 1 ноември 2002 до 2006 година е заменик-претседател на Владата на Република Македонија, задолжена за Европска интеграција и Координација на странската помош. За време на нејзиниот мандат, Република Македонија го доби статусот на земја кандидат за членство во Европската унија.
Во период од 2017 до 2022 , Радмила Шекеринска беше и министерка за одбрана.
Радмила Шекеринска е автор на повеќе научни трудови и добитник е на наградата “Глобални Водачи на Утрешнината“ што ја доделува светскиот економски форум.