Главниот и одговорен уредник на Првиот програмски сервис на Македонската телевизија, Диме Ратајковски е дел од проект на којшто власта ќе додели 30.000 евра државни пари, обелодени СДСМ на денешната прес конференција.
„Од сите познати сценаристи, од сите продуцентски куќи во Македонија, ете токму документарниот филм во којшто сценариото го пишува послушен уредник на власта во МТВ, добива од Агенцијата за филм 2.000.000 денари или над 30.000 евра“, рече портпаролот на СДСМ Петре Шилегов, кој покажа документ од страницата на Агенцијата за филм, и потенцираше дека линкот неколку часа пред прес конференцијата не можел да се отвори.
Долгометражни документарни филмови со мнозински македонски удел
| Бр. | Наслов | Продуцент | Режија | Сценарио | Поддршка во ден. |
| 1. | „Исти доживувања од различни преспективи“ | Арнел Продакшен ДООЕЛ експорт-импорт Тетово | Сенат Абдули | Сенат Абдули | 3.000.000 |
| 2. | „Беба“ | Квазар Филм Доо Скопје | Блаже Дулев | Снежана Стојчевски | 1.990.000 |
| 3. | „Боите на Преспа-Птици“ | Карма Икс Ел ДОО Скопје | Перо Попов | Диме Ратајковски | 2.000.000 |
| 4. | „Ѕвезден запис на Кокино“ | ДМФ ДОО Скопје | Сашо Миленковски | Билјана Станковска | 2.000.000 |
| 5. | „Гарабет Тавитијан“ | Мунлајт ДОО увоз – извоз Скопје | Димитар Сеизов | Јана Коцевска | 2.000.000 |
Од него се гледа дека Ратајковски ќе снима филм за птици насловен Боите на Преспа – Птици.
„Дали овие пари се “благодарам“ за послушноста на Диме Ратајковски?“, праша Шилегов.
Тој додаде дека на очиглед на целата јавност, МТВ, веќе 4-та година под палката на Ратајковски и неговите кадри во информативниот сервис, е претворена во партиско гласило на Груевски и ВМРО-ДПМНЕ.
Според информации од вработени во МТВ и провладината телевизија Нова на партнерот на Груевски Сеат Ибица, омилениот уредник на криминалната власт на Груевски, Ратајковски, освен националната телевизија МТВ ја менаџира и телевизија Нова, изјави портпаролот на партијата.
Според него, 30.000 илјади евра пари на граѓаните за проект на главниот уредник на МТВ Диме Ратајковски се уште еден доказ како власта корумпира медиуми и главни уредници и во националниот сервис.