Споменик на Јосип Броз Тито синоќа бил поставен пред истоимената гимназијата во центарот на градот. Споменикот е поставен веднаш до бистата, а во чест на 70-годишнината од одржувањето на Второто заседание на АВНОЈ, односно во пресрет на 29 ноември кој во времето на СФРЈ се прославуваше како Ден на Републиката.
Поставениот споменик на Тито е направен по теркот на препознатливите спменици на Тито, дело на познатиот скулптор и вајар Антун Аугустинчиќ.
Споменикот го поставиле граѓани, вели претседателот на Титови леви сили Слободан Угриновски кој денеска со неговите следбеници од партијата го одбележаа празникот на денот на Републиката.
Тврди дека за неговото поставување има технички документи, но не открива кој ја издал дозволата.
Како што јавува 24 Вести Општина Центар со Деталниот урбанистички план го нема предвидено овој споменик.
Инспектори на општината утре на терен ќе го испитаат случајот.