Претседателот на партијата „Достоинство“ – Стојанче Ангелов, кој е еден од најредовните поддржувачи на протестите по одлуката за аболиција утринава бил повикан на инфорамтивен разговор во полициската станица Беко во Скопје.  Ангелов вели дека не отишол, бидејќи му посочиле дека не е проблем да се појави и друг ден, но вели и дека н=доколку сакаат да го приведат ќе треба да се помачат, оти не планира лесно да се предаде.

-Ме повикаа на некаков разговор каде требало да бидам предупреден за некоја жалба. Не бев сигурен во искрените намери на МВР во однос на моето повикување и не отидов. Доколку сакаат да ме затворат и мене ќе треба малку да се помачат, сигурно нема да им отидам така сам. Мене може да ме убијат, но не може да ме уапсат, нема да дозволам некое животно да се изживува со мене, како што беше случајот со Љубе Бошковски. Затоа предупредувам доколку некој сака во полиција да ме има нека ме повика. Денеска не отидов бидејќи полицаецот ми рече не е проблем да заминам друг ден, посочи Ангелов.

Тој на денешната прес-конференција повика веднаш да се ослободат приведените демонстранти меѓу кои и двајца членови на партијата Левица.

Од партијата Левица пак, предмалку соопштија дека нивните двајца членови се ослободени, откако цел ден беа приведени поради учество во толпа за време на демолирање на Канцеларијата на Иванов.