Иницијативата „Стоп за Вардариште“ испрати демант за ијзавата на В.Д. градоначалникот на Општина Аеродром, Дејан Митески, дека нивните протести се поврзани или под влијание на политичка партија или организација.
Граѓанската иницијатива „Стоп за Вардариште“ најостро демантира дека нашите протести се под водство, влијание или во служба на која било политичка партија или организација. Нашата иницијатива е исклучиво граѓанска, чесна и независна – за здравјето на сите нас, за воздух без чад и отров, за иднината на нашите деца. Протестите ги организираме и ги водиме единствено ние – граѓаните. Никому не дозволуваме да ја злоупотреби нашата борба за партиски или лични цели. Нашиот единствен интерес е чист воздух, здрава животна средина и одговорни институции, велат од иницијативата.
Тие ги повикуваат граѓаните да останат обединети, да не подлегнуваат на дезинформации и да дозволат нивната волја да биде поткопана.
Потсетуваат дека протестите продолжуваат, секој ден во 18:00 часот, на раскрсницата кај мостот Близнак.