Две експлозии во рускиот град Хабаровск на далечниот исток убија и повредија припадници на воена единица обвинета за извршување воени злосторства за време на Битката за Кијив во 2022 година, изјави извор од украинското воено разузнавање (ХУР) за Кијив Индепендент.
„Две експлозивни направи експлодираа на паркинг во близина на воената единица“, рече изворот.
„Експлозиите се случија околу 9 часот наутро – точно во моментот кога руската армија пристигна на должност. Како резултат на експлозиите, има мртви и ранети меѓу персоналот на непријателската армија.“
Според изворот, цел била Воената единица 6912 од 748-от посебен оперативен баталјон на Руската гарда, која е стационирана во Хабаровск, град оддалечен повеќе од 6.000 километри од Украина.
Како што известува Укринформ, по експлозиите во областа на воената единица, руските специјални служби го блокираа мобилниот интернет и ги променија јавните транспортни правци за жителите да не ја дознаат вистината за вонредната состојба.
Единицата беше вклучена во борбите во близина на Кијив во првите недели од целосната инвазија кога руските сили извршија бројни воени злосторства, особено во предградијата Буча и Ирпин.
Обидите на Русија да го опколи Кијив не успеаја по повеќе од еден месец тешки борби, а потоа московските трупи се повлекоа од периферијата на главниот град.
Се покажа дека стотици жители на трите градови биле мачени, силувани и егзекутирани од страна на руската армија.
Изворот на ХУР рече дека по експлозиите, локалните власти „го блокирале мобилниот интернет и го промениле движењето на јавниот превоз за да не ја дознаат вистината за вонредниот настан“.
„Кијив Индепендент“ не можеше да го потврди извештајот.
Д. Мишев / ЦивилМедиа