Весникот Слободен печат има нов сопственик

Водечката издавачка компанија на Балканот, „Adria Media Group“ стана доминантен сопственик во новата издавачка компанија „Адриа Медиа Балкан ДОО“, која од денеска го издава дневниот весник „Слободен печат“, објави Плусинфо.

Српската компанија е издавач на српскиот дневен весник „Курир“, на порталот kurir.rs и на повеќе други популарни печатени изданија („Њусвик“, „Стори“, „Ел“, „Космополитен“, „Менсхелт“, „Лиса“, „Сенса“, „Нешенл џиографик“ и други), веб-портали и мобилни апликации.