Судејќи по вториот круг од изборите за тоа што се СДСМ е спремна да направи и во какви лаги, манипулации и клевети е подготвен да влезе со цел оцрнување на противникот, не се ни сомневаме дека по истиот рецепт можат било кој од ВМРО-ДПМНЕ да го претставуваат за богат како Бил Гејтс, се вели во реакцијата на ВМРО ДПМНЕ, по повод соопштението на опозициската СДСМ.

-Но, фактот што постојано се служат со лаги и манипулации како и фактот што македонскиот народ одамна созреа и знае да распозне интриги од таков тип ги прави инструментите на ова криминално водство на СДСМ безмоќни и смешни, а тие сеуште не го разбираат тоа. Самите тие живејќи во удобствата од огромните кирии, луксузните возила, вили, распределбата на тендерите на роднините и братучедите, профитирањето од дивоградбите и слични секојдневни теркови на работа живеат во занес дека народот тоа не го забележува туку ги слуша нивните лаги и интриги, велат од ВМРО ДПМНЕ.

Помина времето на лаги и интриги, бранковата школа е веќе прочитана и не дава резултати.
Битката на соросоидите за рушење на ВМРО-ДПМНЕ, македонскиот народ и неговиот идентитет не е од вчера таа трае и ќе продолжи. Ние заедно со народот ќе продолжиме да живееме во таков амбиент.

Милионерите на СДСМ, криминалниот двоец Зоран Заев и Радмила Шекеринска се типичен пример на лица со двоен морал и лажни вредности.
Заев и Шекеринска и покрај тоа што имаат милиони на своите сметки постојано кукаат и никогаш не им е доста.

Фридом Хаус е финансирана од СОРОС и е јасно зошто прави вакви извештаи, во чие формулирање учествуваат новинари платени од Милчин и СДСМ во македонските медиуми.

СДСМ е една голема фарса и мафијашка мрежа која е прочитана од граѓаните и не случајно губи на девет последователни изборни циклуси. Штета е што освен на себе си тие прават штета и на државата, но очигледно имаат добри мотиви и одработуваат за некого, велат од партијата на власт, ВМРО ДПМНЕ.