Просто е неверојатната издржливост на овој народ, секоја индивида која живее овде, е достојна за почит и сигурно ќе биде запишана во сите антрополошки енциклопедии, а може ќе се изучува и во подотовките на сите survival TV reality show.
Се разбира, никој нормален не ги третира сериозно оние комични, па дури можеби и намерно потсмевачки кон народот „мерки“ со кои се намали цената на фломастерите и лебот за 1 денар.
Тони Науновски
Во поновата историја на Македонија немало потежок период за преживување од изминатите 100 дена со овој режим, оваа власт на мицковистичко ДПМНЕ, ВЛЕН и ЗНАМ. Во сите димензии на функционирањето во светот на животот обичниот народ се соочува со пропаѓање кое секојдневно директно го доживува на своја кожа, во својот живот, и допрва ќе го доживува ако не започне со демократски протести за предизвикување на нови избори.
Просто е неверојатната издржливост на овој народ, секоја индивида која живее овде, е достојна за почит и сигурно ќе биде запишана во сите антрополошки енциклопедии, а може ќе се изучува и во подотовките на сите survival TV reality show.
Самиот режим е фактор на дестабилизација на оваа држава – власта всушност секојдневно континуирано ја дестабилизира Македонија. Самото постоење и функционирање против највисоките национални и државни интереси на Македонија на овој режим е најголемата и единствена закана за стабилноста на оваа држава!
Во овие мачни и тегобни 100 дена под јаремот на оваа власт ние проживеавме секојдневна прогресивна дестабилизација на нормалноста во сите можни аспекти – од економијата преку драматичниот крај на надежта за подобар живот со интеграција во ЕУ, се до постојана неизвесност за мир поврзан со интеретничките односи и слободата и демократијата.
Драстичното осиромашување на обичниот човек – а тоа се сите оние кои не се дел од режимот на власт, не се тие неколку илјади функционери на режимот – е директно предизвикано од менувањето на парадигмата на економијата која релативно успешно ја практикуваше претходната власт, и тоа среде неколку светски кризи (пандемијата, војната меѓу Русија и Украина). За разлика од СДСМ кои беа концентрирани на обичниот човек, граѓанинот во економскиот систем, оваа власт стана обичен политички слуга на големите компании, на крупниот капитал, воведувајќи некаков хибриден модел на првобитен капитализам насочен исклучиво кон повеќе профит за капиталистите и власта.
Докажано успешните и на светско ниво применувани методи за субвенционирање на сите субјекти во економскиот, производствен и трговски процес со цел крајните потрошувачи – обичните луѓе – да не бидат подложени на енормни поскапувања, режимот кој владее со оваа држава го замени со дерегулација карактеристична за Англија во 19 век, историските времиња на првобитниот капитализам и експлоатација.
Наместо балансирање и законски легитимни државни мерки за скротување на профитерството како што тоа претходната власт го правеше за доброто на обичниот народ, режимот стори се за повеќе профит на компаниите и нескриен послушник на стопанските комори, проследено со висока инфлација, 500-миионско задолжување од друга држава.
Се разбира, никој нормален не ги третира сериозно оние комични, па дури можеби и намерно потсмевачки кон народот „мерки“ со кои се намали цената на фломастерите и лебот за 1 денар.