Протестот со мотото „Ултиматум не благодарам“ вечерва повторно се одржува. Протестната поворка почна од пред Владата, преку Министерството за правда ќе заврши пред Собранието.
Протестот против францускиот предлог, под мотото „Ултиматум – НЕ благодарам“, се одржува седми ден. Пред Министерството за правда се очекува дел од присутните да ги искажат своите пораки, а потоа ќе продолжат пред Собранието.
Граѓани виорат македонски знамиња и носат маички на кои е напишано „НЕ“, како и „Навиваме за Македонија“.
На булеварот „Илинден“ се уште стои паролата „Но пасаран“ испишана со црвени букви, а група млади луѓе со тапани го скандираат името „Македонија“.
Во најавата за денешниот протест, се наведува дека се протестира против асимилацијата и бугаризацијата и повикуваат граѓаните на своите тераси и прозори да ги развиорат македонските знамињата како симболика на повикот за обединување под едно знаме.