Ден Дончев поднесе оставка на местото директор на Фондот за здравствено осигурување. Дончев ја потврди информацијата за НОВА. Како причина наведе дека станува збор за семејни и здравствени причини. Оставката е поднесена во Влада и се чека да помине на денешната седница.
„Да, точно е дека поднесов оставка од семејни здравствени причини, повеќе од тоа не можам да коментирам“, изјави краткоз а НОВА, Дончев.
Тој рече дека останува во државата. На прашањето дали станува збор за притисоци или трансформација на друго раководно место, одговори дека засега нема такво нешто.
На раководната функција, директор на ФЗО, Дончев беше назначен во август 2017 година, како резултат на коалицијата „ВМРО за Македонија“, од Обединети за Македонија, партијата на Љубе Бошковски.