Сноуден и Асанж треба да добијат веднаш азил и француско државјанство поради “заслуги за нашата земја”, бараат повеќе француски политичари откако вчера медиумите објавија дека американската тајна служба НСА ги слушала разговорите на највисоките француски политичари.
Независниот сајт Медиапарт и весникот Либерасион објавија дека во текот на долги години НСА ги слушала претседателите на државата – Ширак, Саркози и Оланд. Но и повеќемина министри, пратеници, високи функционери како и Бернард Валеро, кој беше француски амбасадор во Македонија, потоа портпарол на Министерството за надворешни работи а сега е амбасадор на Франција во Белгија.
