Антикорупционерите на денешната десета седница едносгласно со седум гласа ЗА одлучија да се покрене иницијатива за постапка до надлежните органи во врска со употреба на буџетски средства за приватни цели на поранешната министерка за култура, Бисера Костадиновска Стојчевска.
Имено по анализата на доставената документација побарана од антикорупциска од 24 – 27 октомври лани при посета на Лондон ја употребила службената картичка за приватни цели.
Покрај погоренаведената констатација ДКСК одлучи да побара поништување на одлуките за назначување на членови во управниот одбор во академијата заљ судии и јавни обвинители. Судскиот совет и Советот на јавни обвинители се тие што според Антикорупциска треба да преземат мерки со кои ќе ги стават вон сила своите одлуки за назначување на членови на Управниот одбор.
За првиот предмет според образложението на ДКСК смета дека од 292 фунти, 280 се трошоци што не може да се квалификуваат како трошоци за репрезентација. Дополнително, 528 фунти биле подмирени со службена картичка на Министерството за култура, од кои 485 фунти се трошоци кои, како што дополнуваат од ДКСК, не може да се квалификуваат како направени за службени цели.
За вториот случај пак кај што бараат повлекување на правосилноста на одлуките во управниот одбор во судско – обвинителската академија се прекршува членот 44 од Законот за спречување на корупција и судир на интереси, членовите на Судскиот совет и Советот на јавни обвинители не смеат да вршат функции во органи на управување кои располагаат со државен капитал.