Еден месец по смртта од Ковид19, откако одби да се вакцинира поради разно-разни теории на заговор на социјалните мрежи и пред се на Јутуб, за локалниот пејач Лесли Лоренсон (58) од малото градче на југот на Англија, Борнмаут, сторија пренесе светскиот сервис на Би-Би-Си.
-Направи страшна грешка што не само себеси, туку во опасност го доведе и неговото семејство, изјави неговиот партнер.
Неговата партнерка Аманда Мичел (56), која исто така беше сериозно болна од „Ковид-19“ во исто време, рече дека смета дека вакцините се премногу експериментални. „Се чувствувам неверојатно глупаво, Лес почина непотребно“, изјави Мичел.
Мичел објасни како нејзиниот партнер, кој дипломирал на Универзитетот Кембриџ, откако го прочитал материјалот на социјалните мрежи, одлучил да се откаже од вакцинацијата против коронавирусот.
-Тој ни рече дека вакцините се експериментални.
Секој ден ни кажуваше дека не треба да се вакцинираме, дека ќе бидеме добро ако внимаваме. Ни рече дека вакцините влијаат на гените, дека ќе внесеме нешто во телото.
-Лес беше високообразован и кога ќе ми кажеше нешто, јас верував во тоа, објасни Мичел, која боледува од дијабетес и хипертензија.
Таа рече дека болничарите, кои дошле во нивниот дом на 2 јули поради нејзината здравствена состојба, биле повикани повторно за 10 минути, зашто нејзиниот 19-годишен син, го нашол Лоренсон мртов во кревет.
-Лес направи страшна грешка и плати највисока цена за тоа, рече Мичел, која беше примена во болница истиот ден и помина една недела во одделението за пациенти со „Ковид-19“.
Таа рече дека се чувствува глупаво што ги ставила во опасност ќерката и постариот син кога дошле да помогнат да се грижат за нивниот 11-годишен син.
-Лесли беше целосно со „испран мозок“ по она што го виде на Јутјуб и на социјалните медиуми. Тој рече дека повеќе луѓе ќе умрат од вакцината отколку од ковид-19″, рече ќерката на 35-годишната Аманда, Карла Хоџис.
Аманда Мичел одлучи да ја прими вакцината штом нејзините доктори ќе го дозволат тоа.