Author: Marija Todorovska

Нема да има реконструкција на Владата, туку само смена на министри, информираат од Владата за МИА по синоќешната изјава на Арбен Таравари дека АА излегува од Владата.

Единицата за финансиски криминал при Секторот за криминалистички истраги во Одделот за сузбивање на организиран и сериозен криминал вчера до ОЈО Скопје поднесе кривична пријава против Љ.Д.Ф. (67), К.Г. (37), Ј.И. (64) и И.С. (41), сите од Скопје поради постоење на основи на сомнение за сторено кривично дело „злоупотреба на службена положба и овластување“. Пријавените со нивните дејствија причиниле штета на Буџетот на државата во вкупен износ од 116.576,9 американски долари.

Но МНР бидејќи нема поим за тоа го обвинува Амбасадорот – не постапил по инструкциите на МНР и Финансии да ги врати сите пари веднаш?! Тој и да сакал не можел. Но тоа е тоа, со законски непознавања останува само лоша намера за притисок по секоја цена.

Денешниот ден за Обвинителството е поголема победа затоа што беше изречена казна затвор која што во историјата на овој суд, за ова кривично дело, и кога станува збор за една жртва, не била досега изречена, а сметајќи на висината од 12 години казна затвор, сепак Обвинителството го задржува правото на жалба и да бара и повисока казна затвор, изјави обвинителот Александар Марковски, во изјава за медиумите пред Кривичниот суд Скопје, по објавувањето на пресудата за прегазувањето на Фросина Кулакова во јануари годинава на булеварот „Партизански одреди“ во Скопје.

Животот одамна е докажано дека нема вредност според законите на оваа недржава. Дванаесетгодишна казна е награда за вакво најбрутално можно убиство во сообраќајот. Затоа оваа пресуда е срамна и тажна за целото општество, за сите нас, изјави Тодор Кулаков, таткото на Фросина, во изјава за медиумите пред Кривичниот суд Скопје, по објавувањето на пресудата за прегазувањето на неговата ќерка во јануари годинава на булеварот „Партизански одреди“ во Скопје.

По преброените гласачки ливчиња од 4949 или 95 отсто од вкупно 5225 избирачки места, повеќе од сигурно е дека владејачката Социјалистичка партија на премиерот Еди Рама веќе го обезбеди четвртиот последователен мандат, со што станува најуспешен политичар по падот на комунизмот во Албанија.

Вкупно 13 научни институти се затворени, а уште 13 се под силен мониторинг и допрва треба да се види колку од нив ќе бидат затворени. Затворена е и една медицинска струка, ќе се затвори и уште една, информира денеска министерката за образование и наука Весна Јасневска.

Секторот за компјутерски криминал при Бирото за јавна безбедност на Министерството за внатрешни работи забележал зачестена појава на таканаречени фишинг напади преку електронска пошта во која се злоупотребуваат имињата на повеќе македонски компании со цел неовластено прибавување на податоци од нив. Овие пораки, како што наведува МВР, лажно тврдат дека сте сториле повреда на авторски права и содржат фишинг-линкови до наводна документација или барања за преземање на активности.

Казна затвор  од 12 години му одреди Судот на Васил Јованов, врз основа на признание на вина за делото „тешки дела против безбедноста на луѓето и имотот во сообраќајот“ за прегазувањето на Фросина Кулакова во јануари годинава на булеварот „Партизански одреди“ во Скопје.

Претседателот на Украина Володимир Зеленски ќе се сретне само со рускиот претседател Владимир Путин за преговори во Турција во четврток и со никој друг од евентуалната руска делегација во Истанбул, соопшти советник на украинскиот претседател за Ројтерс, пренесува БТА.

Израелските одбранбени сили (ИДФ) соопштија дека бомбардирале болница во Појасот Газа, која според нив била користена за „терористички активности“ од страна на исламистичкото движење „Хамас“. Од друга страна, „Хамас“ соопшти дека при нападот е убиен новинар, кого Израел претходно го обвини за учество во нападот на 7 октомври 2023 година.

Анкара: Главниот град на Република Туркије неодамна беше вклучен на Листата на светско наследство на УНЕСКО, со што урбанизацијата на Анкара стана глобално препознаена како посебен модел на модерно градско планирање. Процесот на апликација го раководеа Министерството за култура и туризам и Турската национална комисија за УНЕСКО, истакнувајќи го периодот од 1920 до 1970 година како клучен за обликувањето на Анкара во модерен главен град од дваесеттиот век, со неговите јавни згради, културни простори и отворени јавни површини. Со додавањето на Анкара на Листата на светско наследство на УНЕСКО Туркије има вкупно 80 различни локации на овој список.