Author: Marija Todorovska

Членови на Независниот синдикат на полицијата денеска напладне излегоа на протест пред судовите во Скопје, на крстосницата кај ТЦ „Мавровка“, барајќи да се почитува Законот за минимална плата и судските постапки да се спроведуваат во законски предвидените рокови.

Според официјалните резултати објавени од  албанската Централната изборна комисија,  до денеска претпладне, избројани се гласачките ливчиња од 1.624 гласачки места или 31,07 отсто од вкупно 5.225 на колку што се гласаше во текот на вчерашниот ден.

Лидерот на крилото на Алијансата за Албанците, Арбен Таравари вчера на отворањето на изборниот штаб за локалните избори во Врапчиште најави дека партиските органи ќе одлучат за излегувањето од владината коалиција и оти конечната одлука ќе биде соопштена наредниве два дена. Најави дека ќе разговара лично со  премиерот Христијан Мицкоски за јасно и точно да му каже за одлуката.

Курдската работничка партија (ПКК), која е прогласена за терористичка организација во Турција, ЕУ и САД, објави дека се распушта, со што се става крај на вооружената борба против турските власти, јави ТРТ Хабер.

Српските студенти кои на 25 април од Нови Сад го започнаа штафетниот ултрамаратонот низ Европа, попладнево пристигнуваат во Брисел.

Сеул: Во Јужна Кореја денеска почна кампањата за претседателските избори, што треба да се одржат на 3 јуни. Шест кандидати претендираат да го наследат сменетиот претседател Јун Сук-јеол.

Командантите на воените операции на Индија и на Пакистан денеска ќе разговараат за следните чекори откако беше постигнато примирје на границата на двете нуклеарни сили.

Претседателот на Европскиот совет, Антонио Кошта од денеска до 16 мај ќе престојува во посета на земјите од Западниот Балкан, во чии рамки в четврток ќе допатува во Скопје, а в петок ќе учествува на самит на Европската политичка заедница во Тирана.

Сите сме свесни дека обвинетиот Васил Јованов даде едно голо признание со намера да ја ублажат казната, изјави адвокатот на семејството на загинатата Фросина Кулакова, Дарко Ал Блана, во изјава за медиуми по завршувањето на денешното рочиште во Основниот кривичен суд за сообраќајката од јануари годинава на булеварот „Партизански одреди“ во Скопје.

Треба да се индивидуализира и да се цени секој потег во врска со изрекувањето на казната, особено мора да се цени во духот на законот, фактот што Васил Јованов придонесе за ефикасно завршување на постапката и ја призна вината, беше кооперативен и соработуваше со судот и изрази најдлабоко можно каење, изјави бранителот на Васил, адвокатот Сашко Дуковски, по завршување на денешното рочиште за сообраќајката од јануари годинава на булеварот „Партизански одреди“ во Скопје во која животот го загуби Фросина Кулакова.

Претседателот на САД, Доналд Трамп денеска предложи намалување на царините за Кина од 145 на 80 проценти.

Млад кочанчанец залепен со селотејп на бандера на плоштадот „Македонија“ во Скопје, како што самиот нагласи дека е симболично врзан, денеска побара од институциите да им помогнат на повредените од дискотеката „Пулс“ во Кочани.