Author: Marija Todorovska

Најмалку седум лица загинаа, а 30 се повредени откако синоќа патнички воз излета од шините по уривањето на мост во Русија, соопштија официјални лица.

Скопје: Од 17 до 18 часот денеска во центарот на Скопје ќе има посебен сообраќаен режим поради одржување ревијална трка на велосипеди, ролерки, тротинети, детска и трка на родители со бебешки колички.

Скопје: Без струја денеска од 08.00 до 16.00 часот ќе останат корисниците од селата Долно Соње, Ракотинци, Чифлик, Говрлево, Виничиште и Добри Дол, како и дел од корисниците од населба Сопиште.

Брисел: Од 1 јули сите јавни места на отворено во Франција, како плажи, паркови, реони околу училиштата, станици и постојки на јавниот превоз и спортски стадиони, ќе бидат „зони без тутун“ во кои ќе биде забрането пушење цигари, најави француската министерка за здравство и семејство Катрин Вотрен.

Полициските службеници постапуваат согласно законот. Ќе биде процесуирано секое незаконско дејство кое е во делокруг и надлежност на полицијата, рече денеска директорот на Бирото за јавна безбедност (БЈБ) Александар Јанев, одговорајќи на новинарско прашање во врска со завчерашниот случај, кога градоначалникот на Чаир со луѓе од Општината истури ѓубре пред Градот Скопје.

Букурешт: Големите поплави, предизвикани од обилни врнежи, кои ја погодија Романија вчера се закануваат да го уништат рудникот за сол Праид, кој се смета за еден од најголемите резервоари на сол во Европа.

Неколку десетици лица ангажирани со договори за дело во Клиничка болница Тетово во кругот на установата одржаа јавен протест поради неисплатени хонорари и тоа што не добиле нови договори. Според нив, станува збор за над 140 луѓе кои се ангажирани како медицински сестри и техничари, болничари и администрација, кои веќе трет месец очекуваат да добијат нов договор на дело, како и исплата на хонорари за два месеци. Се бара и трајно решение, односно нивно вработување на неопределено време.

Бугарското Собрание денеска усвои нова резолуција за напредокот на земјава во процесот на пристапување кон Европската Унија. Резолуцијата била едногласно поддржана со 194 гласови „за“.

Стево Пендаровски:  Владата најави стратешки договор со Обединетото Кралство, но досега видовме само меморандум за соработка. Во она што го видовме, нема ништо стратешко.Тоа, според својата содржина, може да биде меморандум за соработка, дури и почетно писмо за намери во кои двете влади набројуваат четири области во кои допрва треба да седнат работни групи и да прецизираат какви проекти би работеле. И според таа содржина генерална, не станува збор за ништо стратешко туку  станува збор за кредитирање на проектите кои допрва ќе бидат прецизирани од двете страни- британско кредитирање за инфраструктурни проекти во Македонија. Тие најавуваат дека е можно да…