Author: Xhabir Deralla

Од целосната руска инвазија, украинските спроведувачи на законот регистрирале 29.194 злосторства на агресија и воени злосторства, извршени од Руската Федерација, вклучувајќи 1.146 само во текот на минатата недела, објави ажурирани податоци Јавното обвинителство, објави Укринформ, пренесе Цивил Медиа.

Денеска се одржуваат локални избори во три општини во нашата земја и тоа, за градоначалник на Маврово и Ростуше и Центар Жупа, а во Тетово за Совет на Општина. ЦИВИЛ не акредитира свои набљудувачи на овие избори, но ќе спроведе мониторинг на спроведувањето преку пријави од граѓанките и граѓаните, како и со следење на ситуацијата на теренот, надвор од избирачките места, соопшти организацијата.

Претседателот на СДСМ, Димитар Ковачевски, попладнево се сретна со жителите на Требиште, Велебрдо, Ростуше и Јанче. Неговата посета на општина Маврово и Ростуше е дел од предизборните активности на партијата во пресрет на изборите за градоначалник на Општина Маврово и Ростуше, Центар Жупа и Совет на Општина Тетово кои ќе се одржат на 20 август. Ковачевски ја започна својата посета на општината од манастирот Св. Јован Бигорски, каде што се сретна со епископот Партениј, како што соопшти СДСМ.