Author: Zoran Ivanov

Александар Касанов е избран за заменик помошник секретар за Западен Балкан, како и за печат и јавна дипломатија во Бирото за европски и евроазиски прашања, соопшти Стејт департментот. Тој ќе го замени Габриел Ескобар, чиј мандат истече на крајот на мај. Касанов претходно служеше како извршен помошник на поранешната потсекретарка за политички прашања Викторија Нуланд.

Потпретседателката на САД, Камала Харис, собра безмалку 50 милиони долари за својата претседателска кампања за помалку од 24 часа откога американскиот претседател Џозеф Бајден објави дека се повлекува од претседателската трка и ја поддржа како претседателски кандидат, изјави портпаролот на кампањата на Бајден. Откога претседателот вчера попладне ја поддржа потпретседателката Харис, Американците дадоа донации од 49,6 милиони долари за нејзината кампања, изјавија од предизборниот тимна Харис.

Казан: Судот во Русија ја осуди новинарката на Радио Слободна Европа Алса Курмашева на шест и пол години затвор поради, како што се наведува во пресудата „ширење лажни информации за руската армија“.

Брисел: Високиот претставник на ЕУ за надворешна политика и безбедност Жозеп Борел денеска изјави дека на денешната средба на министрите за надворешни работи на земјите – членки на Унијата ќе се разговара за „неприфатливите“ активности на унгарскиот премиер Виктор Орбан.

Скопје: До крајот на годината невозможно е да има зголемување на платите на здравствените работници и потпишување на нов колективен договор како што бараат синдикатите, изјави денеска министерот за здравство Арбен Таравари. Таравари рече дека поради огромниот буџетски дефицит невозможно е да има зголемување на платите и дека ќе побара разбирање од синдикатите. Се надевам дека во здравството нема да има огромно скратувње на буџетот бидејќи мора да преживееме и да поминеме до ноември оваа година. Со синдикатите имав еден состанок, повторно ќе имам и ќе побарам од нив разбирање за евентуално да се договориме за идната година. Оваа година…

Независниот претседателски кандидат Роберт Ф. Кенеди Помладиот денеска ја поздрави одлуката на американскиот претседател Џозеф Бајден да се откаже од кампањата за реизбор и ја повика Демократската партија да ја номинира замената на Бајден преку „отворен процес“.

Голем број демократски пратеници го повикуваа претседателот Џо Бајден да ја прекине кампањата за реизбор по неговата неуспешна дебата против републиканскиот противкандидат Доналд Трамп.

Во телефонски разговор со „Си-ен-ен“ неколку минути откако претседателот Џо Бајден го објави повлекувањето од претседателската трката, поранешниот претседател и претседателски кандидат Доналд Трамп го опиша Бајден како “далеку најлошиот претседател во историјата на нашата земја”. Иако не е јасно кој ќе биде кандидатот на демократите, Трамп рече дека смета дека потпретседателката Камала Харис ќе биде полесна за пораз од Бајден. Со откажувањето од кандидатурата, Бајден го отвора патот за потпретседателката Камала Харис да се кандидира за претседателска номинација на партијата.

Мили демократи, решив да се откажам од номинацијата и целата енергија да ја фокусирам во борбата против Трамп, рече меѓу другото актуелниот претседсател на САД и до овој момент кандидат за втор претседателски мандат кој вечерва соопштои дека се повлекува од трката за претседател. Бајден повика на обединување на Демократите и соопшти дека застанува зад кандидатурата на Камала Харис.