Коментар на Сашка Цветковска
Инаку, на оваа телевизија редовно држат лекции за патриотизам, пребројуваат србомани, гркомани, бугарофили, странски платеници, непријатели на татковината…Во меѓувреме и турскине серии им ги плаќаме ние бидејќи генијалната држава им ги брои како домашна продукција…Еве сега и „Ѕвезде гранда“. Не било каде, ами во дворот на чуварите на државата ќе се пее по една српска песна. За наивните, тоа сигурно нема да биде ЕКВ! Вистинските непријатели на македонската држава сепак не лежат во грмушките….Да бидеме на чисто, ова видео за најавата на „најголемото балканско шоу во кое Македонците за прв пат ќе земеле учество“ го споделувам со големо жалење и грчеви во стомак…
Патем, ние во НОВА немаме ама баш ништо против српска или било каква музика која не е во функција на систематско перење на мозок и уништување на сите културни, граѓански и општествени вредности. Во духот на ширење на тие вредности, но повеќе како мала доза противотров по гледањето на видеото погоре, ќе споделам една песна од „Екатерина Велика“ чии почетни стихови веќе совршено ги илустрираат грчевите во мојот стомак.
„Ми треба свет отворен за погледи, отворен за трчање…“