На средбата се префрливме на старата тема која не ангажираше две години – Охридската архиепископија, но таму разговорите завршија пребрзо без никаков напредок. Не беше завршена и работата на речиси готов протокол на една од последните средби, за која разговаравме во попладневните часови, изјави копретседателот од бугарска страна, проф. Ангел Димитров.
Бугарската телеграфска агетнција –БТА, која известуваше за состанокот на заедничката комисија за историски и образовни прашања меѓу Бугарија и Македонија, што се одржуваше во претходните два дена во Скопје, го поентираше состанокот во насловот на својот текст со зборовите: „Историската комисија заседваше со колегијален тон и без конкретни резултати“.
БТА акцентираше дека ова беше прв состанок откако владата на Северна Македонија смени шест од нејзините седум членови – предизвика медиумски интерес, главно во однос на бугарскиот дел од комисијата.
Ништо не може да се започне од почеток затоа што е направено многу работа и мора да ја почитуваме работата на оваа комисија – рече нејзиниот копретседател од бугарска страна, проф. Ангел Димитров, одговарајќи на новинарско прашање по завршувањето на првиот дел од денешната средба. Прашањето беше дали веќе прифатените препораки од претходниот состав на комисијата ќе бидат ревидирани од Северна Македонија.
Проф. Ангел Димитров за БТА изјави дека средбата се одвивала во колегијален тон, а првиот ден членовите на комисијата разговарале за процедурални прашања, поради новиот состав на нејзините членови од северномакедонска страна, „но ќе има нема промени на претходниот начин на работа“.
На средбата се префрливме на старата тема која не ангажираше две години – Охридската архиепископија, но таму разговорите завршија пребрзо без никаков напредок. Не беше завршена и работата на речиси готов протокол на една од последните средби, за која разговаравме во попладневните часови. А нашата средба заврши со појаснување дека сето тоа ќе продолжи во Софија на нашата следна средба, која ќе биде на 12 и 13 декември. На колегите од Северна Македонија, кои досега не учествуваа во работата на комисијата, им треба време навистина да навлезат во прашањата за кои досега разговаравме – изјави проф. Димитров за БТА.