Во ексклузивно интервју Франк Ла Ру, специјалниот известувач на ОН со уредничката на НОВА, Сашка Цветковска, говори за судењето на Кежаровски, охрабрувајќи ги судовите да го ослободат.
Цветковска: Господине Ла Ру, бевте во Македонија пред само неколку месеци и сакавте да го посетите новинарот Кежаровски и откако заминавте, се одвиваше едно забрзано судење, а пресудата ќе се знае следната недела. Која би била вашата порака до властите бидејќи ние. новинарите, не сме толку оптимисти?
Ла Ру: Верувам дека тешко е за мене да дадам мислење за самото судење, но ги бранам принципите што новинарите можат да бидат осудени за заштитата на информациите и вестите поврзани со било кој настан.
Ако тоа е случајот, ги охрабрувам судовите да го ослободат човекот, бидејќи мислам дека е важно да се гарантира слободата на изразување и слободата на печатот. Нема да коментирам за самите факти поради тоа што го кажав, но ќе коментирам за фактот што не верувам дека судското гонење треба да ја загрози слободата на печатот.
Цветковска: Во Скопје дојдовте на покана од Владата, во однос на вашата подготовка на извештајот за слободата на изразување, но откако заминавте, сите про-владини медиуми, тврдеа дека сте финансирани од Сорос…
Одговорот на Ла Ру и останатиот дел од интервјуто можете да го видите во видеото.
На специјалниот известувач на ОН Франк Ла Ру за време на неговиот престој во Македонија во јуни оваа година не му беше дозволено да го посети новинарот Кежаровски.
Освен тоа, тој ги повика властите да го истражат случајот со сообраќајната несреќа на Младенов. Ла Ру пренесе дека не бил задоволен од одговорот на надлежните институции зошто нема истрага за смртта на Никола Младенов и дека според него не може овој случај да се третира како вообичаена сообраќајна несреќа:
– Ги повикувам надлежните македонски органи да започнат темелна истрага за овој ноторен случај со цел бргу да се распрсне облакот на сомнеж и страв што беше создаден со трагичната смрт на г-динот Младенов, рече тогаш Ла Ру.