Европол ја покрена операцијата „Оскар“ во правец на поддршка на финансиските истраги на државите членки на Европската Унија кои се однесуваат на имотот на физичките и правните лица кои се поврзани со рускиот напад на Украина, за кој постојат сомнежи дека е стекнат на криминален начин.
Како што се наведува во соопштението, Европол заедно со државите членки на ЕУ . Евроџаст и Фронтекс ја покрена операцијата „Оскар“ која покрај финансиски , подразбира и криминални истраги на државите членки во врска со заобиколувањето на трговските и економските санкции.
Во рамките на операцијата „ Оскар“ , Европол ќе обезбеди размена на информации, разузнавачки податоци и поддршка во мноштво финансиски истраги.
Евроџаст ќе обезбеди правна поддршка и ќе ја зацврсти соработката меѓу националните истражни и судски органи а Фронтекс ќе придонесе со контрола на лицата кои ги преминуваат надворешните криминални трендови и обрасци.
„Оскар“ ќе трае најмалку една година и ќе опфати низа на одвоени истраги наведоа од Европол.
Како што е веќе познато од почетокот на судирот во Украина многу европски земји го запленија имотот на руски државјани против кои се воведени санкциите. Во март во Трст е запленета јахтата на Андреј Мељниченко , руски милијардер кој е опфатен со санкции од почетокот на март.