Франсоа Оланд, претседателот на Франција, е првиот европски лидер кој се среќава овие три дена со американскиот претседател Барак Обама: Toj нема да го отвори прашањето кое ја навреди цела ЕУ – пцостите на Викториjа Нуланд “е.. ја ЕУ”.
И покрај евидентната лутина која речникот на Нуланд да предизвика во ЕУ, земјите членки одлучија да не креираат додатен инцидент на инцидентот на Нуланд. На министерскиот состанок во понеделникот во Брисел, ЕУ избегна да и одговори на Нуланд. Францускиот дневник “Ле Монд” цитира еден министер кој рекол дека навредливите зборови не се тие што ја налутиле Европа туку идејата дека ЕУ не е способна за ништо во Украина и дека треба сета работа да им ја остави на Русија и на САД.
Во меѓувреме во Вашингтон пристигна францускиот претседател во официјална посета на САД. Тој допатува без прва дама откако одлучи да ја прекине врската со Валери Триервајлер и која претходно беше планирана да го придружува. Ова, очигледно, предизвика протоколарни проблеми во Белата куќа која организира свечена вечера во чест на Оланд.
Некои очекуваа дека Оланд ќе стаса во Вашингтон со новата љубовница актерката Жули Гаје но од сосема разбирливи причини тоа не се случи. Врската помеѓу Оланд и Гаје и понатаму не е официјално објавена.
Љубовните авантури го инспирираа францускиот печат кој во неделата најави дека наскоро “Вашингтон Пост” ќе објави дека Обама е во тајна врска со Бијонсе и исто така има љубовница. Набрзо веста беше демантирана.
Така двајцата претседатели нема да ги споделуваат љубовните маки туку ќе се свртат кон државничките прашања. Обама одлучи да му посвети посебна чест на Французот и го одведе на имотот Монтичело каде што живеел третиот американски претседател Томас Џеферсон, познат како франкофил. “Бевме сојузници и во времето на Џеферсон и Ла Фајет и уште се сме сојузници и денес”, изјави Оланд.
На имотот Обама и Оланд пристигнаа со фамозниот Ер Форс 1 а времето таму го искористија неформално да зборуваат за франко-американските односи”.
Најсвечениот дел од посетата се случува денес кога на тревникот на Белата куќа ќе бидат изведени националните химни и ќе бидат испукани 21 топовски истрели.
Од важните теми ќе се зборува за климатските промени воочи на конференцијата на оваа тема закажана во Париз следната година. Обама и Оланд, во заеднички текст објавен во “Ле Монд” и “Вашингтон Пост” повикаа да се трага во амбициозен светски план за намалување штетните гасови.
Според медиумите од двете страни на Атлантикот, двајцата претседатели имаат добри лични односи. Како што рековме, тиа двајцата нема да зборуваат за пцостите на Нуланд но ќе се задржат на Едвард Сноуден и прислушкувањата на Американците на европскиот континент. Според Оланд, овие прислушкувања отворија “тежок период не само за Франција и САД туку и за Европа и САД”.
Оваа тема секако нема да биде избегната ни во март кога Обама пристигнува во посета на ЕУ во Брисел.