Посебна улога треба да добијат Здружението на судиите, Здружението на обвинители и Адвокатската комора. Ако е потребно да добијат и јавни овласувања за заштита на законитоста, етиката, моралот и професионалноста во работата, покрај одредбите во нивните Кодекси.
Тито Беличанец
Уставните правосудни институции треба се реформираат однатре и во корелација со уставните институции кои можат согласно уставот и законот на нив да влијаат.
Во случјов со судството и обвинителството, катастрофален би бил потегот да се формира посебно тело дури и од независни експерти. Такви тела веќе пистојат. Тоа се соодветните институции на ЕУ и на други меѓународни организации кои ги следат, ја опсервираат и оценуваат нивната работа, со наши експерти или самостојно.
Ако на пример именуваните лица во Судскиот совет или Советот на обвинители од Собранието или друг надлежен орган не постапуваат според јавно утврдените насоки да бидат отповикани.
Истото треба да го изврши и Судскиот совет или Советот на јавни обвинители со притисок на несовесните членови да поднесат оставка. Бидејќи поголемиот број членови на овие органи се избираат непосредно од судиите, односно обвинителите, нека се дополни законот со што ќе овозможи тајно гласање за отповик.
Посебна улога треба да добијат Здружението на судиите, Здружението на обвинители и Адвокатската комора. Ако е потребно да добијат и јавни овласувања за заштита на законитоста, етиката, моралот и професионалноста во работата, покрај одредбите во нивните Кодекси.
Да заклучам: реформите и борбата против криминалот и корупцијата во правосудството како посебна судска владт треба да се води и добие во и од правосудните институции а не со формирање на тела кои спротивно на уставот би ја повредиле уставната самостојнот на овие институции кога би можеле дури да влијаат на нивната работа!
П.С. За почеток барем членот на Судскиот совет кој претседаваше со седницата на која незаконито беше сменета Претседателката на судскиот совет да поднесе оставка.
Од Фејзбук ѕидот на авторот