Најреален излез од блокадата е распишување на задолжителен референдум на кој граѓаните би се изјасниле со тајно гласање дали се за усвојување на уставните амандмани како претпоставка за продолжување на преговорите за влез во ЕУ или се за ултиматумот на Владата да не се продолжат преговорите под сегашните услови кои Владата ги смета како ултимативни.
Тито Беличанец
Премиерот Христијан Мицкоски е дециден – додека е тој на чело на македонската Влада нема да прифати ултиматуми за нашата држава да стане дел од европското семејство.
Неговата порака до луѓето во Брисел е јасна: „Ако навистина сакате да бидеме дел од европското семејство тогаш има начин. Ако има желба, има и начин. Повеќе ултиматуми немаме намера да прифатиме, барем јас додека ја водам македонската Влада. Ултиматуми нема да прифаќам, ниту има цена што може да ме убеди да прифатам ултиматум…”
Иако зборот на Мицковски знаеме колку вреди, со колнењето дека нема да го изговори зборот “северна”, сепак јас сериозно го сфаќам неговиот ултаматум кон ЕУ бидејќи го озваничи на последната средба во Брисел.
Јасно е дека Мицковски нема мандат и сила со 25-30% од граѓаните од кои доби мандат да состави коалициона Влада да го блокира породолжетокот за влез на земјата во ЕУ.
Има два основни излези од политичкиот ќорсокак во кој Мицковски ја заглави земјата на патот кон ЕУ.
Според првиот, коалиционите партнери во сегашната Влада кога ќе се убедат во наредните месеци дека Мицковски сериозно го блокира породолжетокот за влезот на земјата во ЕУ можат да истапат од коалицијата и со партиите од опозицијата да формираат Влада. Но со тоа не се овозможува усвојувањето на уставните амандмани бидејќи ќе нема двотретонско мнозинство при изјаснувањето за усвојувањето на уставните амандмани. Се разбира во тој случај можно е формирање на нова влада без ВМРО ДПМНЕ и распишување на нови парламентарни избори. Но тоа е сложен и подолгорочен процес со бројни непознаници и неизвесен временски.
Според вториот, најреален излез од блокадата е распишување на задолжителен референдум на кој граѓаните би се изјасниле со тајно гласање дали се за усвојување на уставните амандмани како претпоставка за продолжување на преговорите за влез во ЕУ или се за ултиматумот на Владата да не се продолжат преговорите под сегашните услови кои Владата ги смета како ултимативни.
Се разбира прашањето би можело да биде и поедноставно но содржински покомплексно.
Дали сте за продолжување на преговорите за влез во ЕУ според усвоената преговарачка рамка или сте за нова преговарачка рамка за влез во ЕУ.
Демократски е граѓаните да се изјаснат за алтернативите.
Познато е дека преку 60% од вкупниот број на граѓаните се за влез на земјата во ЕУ.
На потег е демокрстската јавност во земјата.
Од Фејзбук ѕидот на авторот