Потпретседателката на САД и кандидатката за претседател на државата, Камала Харис, вечерва по европско, а попладнето по американско време и` се обрати на нацијата.
Не е тоа што го посакуваме, не е тоа што сакавме да го добиеме нои не се откажуваме., порача Харис.
Какви сме ние и какви сакаме да останеме, реторички запраша Харис во своето подолго обраќање.
Ние сме луѓе со почит. Луѓе кои сакаме да живееме во слога со своите соседи кои и да се и кави и да се тие. Ние сме тие кои сакаат мир, еднаквост, солидарност.
Ние ја продолжуваме борбата за вредностите на кои остануваме а за кои постојано говорев во мојата кампања, во своето прво јавно постизборно обраќање порача вечерва Камала Харис
Моето срце е полно денес, полно со благодарност, љубов кон нашата земја. Исходот не е онаков каков што сакавме, за што се боревме, за што гласавме. Но, слушајте ме, светлината секогаш ќе гори, се додека се бориме, со видливи емоции изјави Харис.
Таа рече дека е горда на борбата и како таа се водеше, но и дека нема да се откаже од неа.
Го признавам поразот, но не се откажувам од борбата што ја водев во кампањата. Борбата за правда. Тоа е борба од која никогаш нема да се откажам. Никогаш нема да се откажам од фактот дека Американците можат да ги остварат своите аспирации во Америка каде што и жените имаат можности, Америка во која училиштата и улиците се заштитени од оружено насилство, нагласи Харис.