Делегација предводена од премиерот Христијан Мицкоски, во чиј состав се и минисрите Муцунски, Мисајловски, Муртезани и Тошковски, учествува на 61. Минхенска безбедносна конференција.
Во рамки на вчерашниот ден, премиерот Христијан Мицкоски оствари средба со претседавачот на Минхенската безбедносна конференција, Кристоф Хојзген, на која станало збор за актуелните безбедносни предизвици во Европа и регионот и можностите за зајакнување на меѓународната соработка во доменот на безбедноста и стабилноста.
Како што соопшти владината прес-служба, Мицкоски ја истакнал заложбата за унапредување на стратешкото партнерство со сојузниците од НАТО и потребата за напредок на патот кон Европската унија, како и за активната улога на земјата во регионалната безбедносна архитектура.
Во главниот град на Баварија во петокот почна 61. Минхенска безбедносна конференција. Во услови на зголемени глобални тензии, овогодинешниот собир, што се одржува од 14 до 16 февруари во хотелот Бајеришер Хоф во Минхен, светските лидери, креаторите на политиката и експерти, разговараат за итни безбедносни прашања, како што се тековната војна на Русија против Украина, кризата во Газа и променливата динамика на меѓународните сојузи. нд/цр