Шеснаесет лица, вклучително и градоначалникот на јужниот либански град Набатија, беа убиени за време на израелскиот напад врз општинска зграда, соопштија либанските власти.
Шеснаесет лица загинаа, а 52 лица се ранети според конечниот биланс од нападот на израелскиот непријател врз зградите на општина Набатие и заедницата на општини, соопшти либанското Министерство за здравство.
Претходно либанската државна новинска агенција (ННА) објави дека градоначалникот Ахмед Кахил бил убиен заедно со неколку членови на општинскиот совет додека одржувале состанок.
Израел започна копнена операција во Либан претходно овој месец, со цел да го ослабне Хезболах, со кого разменуваше прекугранични оган од почетокот на војната во Газа.
Специјалниот координатор на ОН за Либан, Жанин Хенис-Плашерт, предупреди дека страдањето на цивилите во Либан достигнало невидено ниво и повика на заштита на цивилите и цивилната инфраструктура, откако израелскиот напад ги погоди општинските згради во Набата.
Израелските воздушни напади повторно го погодија градот Набатија во јужен Либан“, се вели во соопштението на Хенис-Плашарт, додавајќи дека „цивилите и цивилната инфраструктура мора да бидат заштитени во секое време.
Денеск Израел го нападна главниот град на Либан, Бејрут, за прв пат по неколку дена.
Израелската војска објави дека удрила подземно складиште во јужните предградија на Бејрут за кое тврди дека содржело оружје од Хезболах, кој финансиски и воено го поддржува Иран.
Армијата соопшти дека нападот на бејрутското предградие Дахије е извршен откако „преземени се низа чекори за да се намали ризикот од цивилни жртви, кои вклучуваат предупредувања до населението“ пред нападот.
Најмалку 1.300 луѓе се убиени низ Либан од 23 септември. ОН наведуваат дека околу 700.000 луѓе се раселени.