По инцидентот со Миле Јанакиевски и Спиро Ристовски, зголемен е бројот на затворски стражари кои ги следат притворените лица додека шетаат во дворот на затворот вели директорот на затворот Ѓоко Котевски за НОВА ТВ.
Интервјуто го снимавме на шеталиштето во притворското одделение каде се случија двата инциденти, по кои Јанакиевски беше пуштен во куќен притвор, а Ристовски е преместен во т.н хашка соба.
Во последниот извештај на Стејт департментот пишуваше дека затворите се преполни, а условите беа оценети како нечовечки и деградирачки. Во извештајот исто така се наведуваше дека набљудувачите известиле за распространета корупција меѓу затворскиот персонал.