„Минатата вечер, заедно со Мила Царовска, започнавме со поделба на промотивен материјал, како би им ја доближиле нашата визија и мисија на граѓаните од Општина Карпош. Презентиравме дел од програмата и проектите планирани за Урбаните заедници Пецо Божиновски – Кочо и Кузман Јосифовски – Питу“ – истакна кандидатот за градоначалник на СДСМ за општина Карпош, Душко Весковски.
Тој најави дека е планирана реконструкција на крак од ул. „Загребска“.
-Целта на овој проект е да се реконструира и да се прошири кракот од ул.„Загрепска“, кој води до оваа важна здравствена установа, во која се лекуваат најмалите жители не само од нашата Општина туку и од целиот Град Скопје, па и пошироко. Овој дел од улицата сѐ уште е поплочен со гранитна коцка, која е во исклучително лоша состојба, кажа Весковски.
Според него во план е и покривање на каналот на ул „Ловќенска“.
-Овој проект е во тек на реализација и нашата цел е да го завршиме до крајот на 2022 година. Со тоа ќе се елиминира еден од најголемите проблеми на жителите од оваа улица во УЗ КЈП, дополни Весковски.
Новиот штаб ќе биде отворен за сите граѓани од овој дел на Карпош, каде сите ќе може да ги постават своите прашања и да ги достават своите предлози, како и да ги дознаат сите предвидени активности за наредните 4 години, информираат од неговиот тим.