Бранко Тричковски
Ви реков убаво: ова не е власт, ова не е влада, тој не е премиер, ние не сме нација…
Субјективната и објективната перцепција на државата и уште повеќе на македонската нација, паѓа како откачена карпа во Заливот на историските коски.
Заев, Таче, Ахмети, Османи и Маричиќ почнаа да ни се гледаат како недостижни критериуми кои Македонија ја внесоа во центарот на европското достоинство.
Како реална гордост.
Учевме дека пропагандите го оневозможиле конституирањето на Македонија како посебна држава, што е една алиби формулација, но не е алиби фактот дека вматрешната пропаганда на вмро ја доведе нацијата и државата пред крајот на националниот и државен проект.
Се е наопаку: предавниците се патриоти, а патриотите се предавници.
Макар што и “предавнивите” не беа безгрешни и им фалеа добри и точни калкулации.
Никој не тврди дека нација без историја не е нација, освен нацијата без историја.
Мислам, подлабока од осумдесетина години.
Тие што во моментот не претставуваат немаат елементарно знаење за меѓународната политика, немаат манири, немаат стил, немаат ништо што надвор од протоколарните пристојности би ги квалификувало за кој било состанок на меѓународно ниво.
Единствената константа на нивното постоење и како власт и како опозиција, е да го држат свежо проблематизирањето на Македонија.
Да ја бранат или преправаат, да ја крадат историјата како форма на сегашноста која може да се проблематизира.
Не да ја ослободуваат Македонија од своите оптоварености туку да ја држат натоварена како магаре со товар дрва..
На кое на крајот ќе му пукне кичмата и ќе се претвори во флека на асфалтот.
Секој ден им почнува со некоја загроза од која тие ќе ја бранат Татковината.
Така го камуфлираат фактот дека загрозата се тие.
Под притисок на меѓународната заедница, можеби, ќе ги прифатат решенијата и барањата околу меѓународниот статус на државата, но само ако претходно добијат време низ образовниот процес, низ медиумската преобразба на нормалноста во дебилност, низ партископравната сваровски структура на државата, низ разорното дејство во институционалниот ред, да и ја стиснат пластичната кеса врз главата на Македонија.
(Од Фејзбук ѕидот на авторот)