Димитар Ковачевски – СДСМ:
- Како што Делчев и Илинденците не се откажале, така и ние не треба да се откажеме од борбата за подобра Македонија за нашите деца и внуци;
- Денеска, кога чествуваме 121 година од смртта на големиот македонски револуционер, идеолог и учител, Гоце Делчев, треба да се потсетиме на неговата идеја за културен натпревар меѓу народите. Во време кога во повеќе делови на Европа и светот беснеат војни, Гоцевите зборови делуваат како отрезнувачка порака за човештвото;
- Нашата борба денеска, повеќе од еден век подоцна, е за Македонија која ќе биде дел од Европската Унија, држава со европски животен стандард и европски вредности;
- Како што Делчев и Илинденците не се откажале од нивната борба, така и ние не треба да се откажеме од нашата борба за подобра Македонија за нашите деца и внуци. Само ако успееме да изградиме почитувана, достоинствена и просперитетна држава ќе ја заслужиме почитта на следните генерации.
Христијан Мицкоски – ВМРО-ДПМНЕ:
- Очекувам изборни нерегуларности од страна на ДУИ на изборите на 8-ми мај;
- До претставниците на меѓународната заедница, до ОБСЕ и ОДИХР доставивме список на избирачки места каде во определен временски период гласањето во просек е помалку од една минута што наведува на тоа дека таму имаме бројни нерегуларности;
- ДУИ со притисок ги добива гласовите на гласачите и високи функционери и членови на Владата го прават тоа придружувани од припадници на МВР;
- Ја повикува меѓународната заедница будно да го следи целиот процес.