Кандидати за нов претседател на државата во вториот круг од претседателските избори се Стево Пендаровски и Гордана Силјановска Давкова.Гласањето е в среда на 8. мај заедно со парламентарните избори.
За претседател ќе биде избран кандидатот кој ќе добие мнозинство гласови од избирачите кои гласале но дколку гласале повеќе од 40 проценти од избирачите.
Доколку и во вториот круг на гласање ниту еден од кандидатите не го добие потребното мнозинство гласови, односно на гласањето излезат помалку од 40% од гласачите, гласањето се повторува преку целосно нова изборна постапка.
Доколку биде исполнет цензусот и биде избран претседател на државата, неговата инаугурација треба да се случи на 12 мај.
На 24 април, на првиот круг од изборите, Силјановска Давкова освои 363.085 гласови, а Пендаровски доби 180.499. На изборите имаше седдумина кандидати.
Излезноста на гласачите на првиот круг од претседателските избори беше 48,38 отсто односно на гласање излегоа 828.402 гласачи од вкупно запишаните 1.814.317 во Избирачкиот список.
Пред преземањето на должноста, како што е наведено во Изборниот законик, најдоцна во рок од десет дена од денот на објавувањето на конечните резултати, но не порано од денот на престанок на мандатот на претходниот претседател, претседателот на Републиката дава и потпишува свечена изјава пред Собранието, која гласи:
Изјавувам дека функцијата претседател на Република Македонија ќе ја вршам совесно и одговорно, ќе го почитувам Уставот и законите и ќе го штитам суверенитетот, територијалниот интегритет и независноста на Република Северна Македонија.
На 8. мај гласачите ќе можат само еднаш да одат на избирачкото место и да се изјаснат за двата вида избори или да гласаат само за претседателските или за парламентарните избори. Идентификацијата ќе се врши со т.н. фингерпринт апарати.
Утре, на 7. Мај, за претседателските избори гласаат иселениците, додека за претседателските и за парламентарните избори, гласаат болните и изнемоштените, затворениците, лицата во старските домови и раселени лица.
На 8 мај, среда, гласањето ќре се остварува на 3480 избирачки места. Започнува во 7 часот а завршува во 19 часот. Резултатите од гласањето се очекува да бидат познати најдоцна до полноќ.