Лондон: Повеќе од половина од граѓаните на Велика Британија би гласале за повторно пристапување во ЕУ доколку се одржи нов референдум, покажа националното истражување. Анкетата доаѓа осум години откако гласањето за Брегзит доведе до излегување на Британија од блокот.
Според истражувањето, во кое беа опфатени повеќе од 2.000 британски граѓани на крајот на минатиот месец, дури 59 отсто од испитаниците изјавиле дека ќе гласаат за враќање во ЕУ на хипотетички нов референдум, а 41 отсто рекле дека би биле против повторното приклучување кон блокот.
Повеќе од 60 отсто од гласачите е изјасниле дека ќе поддржат поблиски врски со Брисел кои нема да вклучуваат формално повторно приклучување кон блокот или неговиот единствен пазар или царинска унија.