Се што прават во политиката не е лошо, многу работи се многу добри, но дури и на најдобрите им фали интелигенција која ќе ги изнесе до крај.
Бранко Тричковски
Открив дека меѓу левичарите не е дозволено да се биде циничен- рекол Сјоран објаснувајки зошто уште на млади години не го привлекувал комунизмот. Македонските социјалдемократи страдаат од тој дефицит. А тоа значи од интелигентност во политиката. Се што прават во политиката не е лошо, многу работи се многу добри, но дури и на најдобрите им фали интелигенција која ќе ги изнесе до крај. Цинизмот е интелигенција и, дури, умерност, добронамерноста и непосредната пресметливост не се. Според тоа, гласајки за интерпелацијата за Гаши, тие не ја згрешија фактичката состојба, односно погодија дека има многу работи за кои Гаши треба да одговара, но не разбраа дека сношти тоа не беше тема. Јас се обидов да ги предупредам со статусот за “убиството на Гаши јајцата со сланина на левите гниди”, но тие тоа или не го прочитале или не го разбрале од причините за кои тука говорам. Тие не свртеа десно, тие само покажаа отсуство на интелигенција за политика, немаат смисла за апсурди и парадокси, тие мислат дека доволно е да бидат добронамерни, но тоа просто не е така. Нивната единствена шанса е да излезат од оваа ниво на политичкиот конфликт, да наметнат свои теми и стандарди и така да се борат. Не да се лигават со македонскиот народ, туку да му ги растурат детството.
Од Фејсбук ѕидот на авторот